曼聯hea鋒貝碧托夫呢幾年喺冇乜人好揀嘅情況下，連續3年做到保加利亞足球先生，搞到國民都睇唔過眼，喺今年嘅足球先生選舉，竟然揀得閒會踢吓當地丙組嘅總理鮑里索夫（圖）。大肚腩總理星期一就話呢次得獎係反映球迷不滿嘅控訴：「投票結果唔係顯示我好波，而係國民認為保加利亞足球要改革，我建議呢個獎改為頒畀最佳年輕球員。」
