噚日港股表現唔曳，尤其係航運股，中海集運（2866）同中國遠洋（1919）都爆升超過一成，搞到華華倉底揸住嘅中海集運，都唔知掟唔掟好。
四大行齊出報告
股市唔會無緣無故升，經華華幾番查證，原來四大行不約而同出咗航運股報告。其中，德銀前日（6日）搞咗個東方海外（316）飯局，分析員JoeLiew食完後就即刻出報告，話係時候買東方海外同中海集運。
咁啱得咁蹺，滙豐上星期五都搞咗個航運業嘅投資者飯局，但到噚日先出報告，話航運股估值吸引，打鑼叫增持東方海外同太平洋航運（2343）。明明唔同時間搞飯局，但夾都冇咁啱，差唔多時間出報告，睇唔出班分析員咁有默契。