黎明（Leon）前晚在紅館舉行第二場《LeonXu演唱會》，經過首場熱身，Leon表現更投入，尾聲握手時間比首場更長，不少熱情的fans皆變成「箍頸黨」，趁Leon到時即一個飛身箍着他的頸不放，難怪他笑言完騷後肩膊筋骨也隱隱作痛。
「唔會因為我冇地心吸力」
Leon平時訪問時經常爆出經典金句，結果被傳媒稱為「金句王」，而觀眾對他這個稱號亦相當受落，前晚他在台上重說當年廣告中經典對白：「要贏人，先要贏自己」，因此Leon決定即場又爆新金句，他說：「其實呢個宗旨我從來冇揸住過，我揸住嘅只係自己宗旨，就係做好自己唔好理人，當然有時會做得唔好，咁咪盡快去改囉，改唔到咪由佢，地球又唔會因為我，冇咗地心吸力升咗我上天。」此金句一出，全場爆笑。
撰文：葉雪