無綫（TVB）與五大唱片因版稅爭拗暫停合作近兩年，早前於TVB台慶日正式宣佈破冰，但據知今次只是表面破冰，五大的歌手繼續無緣亮相TVB節目，前晚五大歌手為羅傑承旗下RedMR新店開張撐場，其間TVB收費娛樂台也派員採訪，並訪問各歌手，令破冰行動似有轉機。
吳雨霏（Kary）、薛凱琪（Fiona）、官恩娜、周柏豪等前晚到灣仔出席RedMR新店開張，Kary、Fiona和柏豪同樣表示入行後因工作忙而少了唱K，每次唱都揀選別人的歌，相反朋友們便唱自己的歌。
有指卡拉OK在沒有付版稅給HKRIA前，偷播五大唱片歌手的新歌，Kary說：「實際情況點我唔清楚，留畀公司處理，若果有人咁播另外角度去諗都會開心，證明首歌多人鍾意。」Fiona也聽聞此事，她說：「歌手每日工作咁多，都理唔到咁多，等公司處理，我希望大家支持正版。」在旁柏豪也認同Fiona的說法。
大家做番朋友
至於五大唱片歌手似乎未能現身無綫節目，Kary透露尚在等公司通知何時踏足電視廣播城，Fiona說：「以我所知唔係表面破冰，都幾實際吓，咁大件事都要慢慢來，幾時上TVB就未知，但大家都有意做番朋友。」
羅傑承與太太梁芷珊透露明年五月將在旺角開第五間分店，對於有卡拉OK盜播五大唱片歌手新歌，羅傑承說：「呢個唔知，我哋同版權公司畀晒錢，同樣有其他公司畀錢都可以播，一切問題留番HKRIA處理。」
歌手排期亮相
對於五大唱片跟TVB只是表面破冰，羅傑承表示據他所知歌手可以排期上TVB節目，但要等TVB安排。對於邵逸夫年底辭任電視廣播主席一職，羅傑承未得知消息，太太梁芷珊竟問他何時辭任主席讓她接棒。
採訪：馬建華 攝影：陳慧安