鄧紫棋（G.E.M.）今年一圓夢想，兩度踏上紅館舉行「GetEverybodyMoving2011」演唱會，早前推出個唱DVD時，她舉行了一場首映，與歌迷重溫片段。G.E.M.當時喊到變鼻涕蟲，並表示十分掛念於紅館舞台上的感覺。
現年20歲的G.E.M.今年兩度踏上紅館舞台舉行「GetEverybodyMoving2011」演唱會，最近推出個唱DVD後，她急不及待與歌迷於首映禮上欣賞一次。
G.E.M.透露於戲院內哭了幾次，她日前說：「我睇到自己講婆婆嗰part又喊，但係之後發現自己好大條鼻涕吊住喺度，我就忍唔住大笑啦，由於呢啲片段cut唔走，所以大家買碟返去睇時，可以留意呢一幕。」
收錄翻唱MJ歌曲
G.E.M.指於剪接DVD時，最考功夫是剪走她哭完後的喘氣聲，她笑言下次再有機會於紅館開騷，一定不會再讓自己哭得那麼厲害。而她於演唱會上唱了一首米高積遜（MichaelJackson）的歌曲，她知道以往很多人翻唱MJ的歌，有關版權都不獲有關方面批准收錄於自己的DVD中，今次她成功做到，她興奮地說：「初時我哋email有關方面，佢哋都係話唔得嘅，因為怕啲人翻唱完會影響咗首歌。之後公司將我演唱會唱MJ首歌嘅片段send畀佢哋，最後佢哋批咗，呢件事對我嚟講係好大鼓舞。」
「見到鋼管都驚」
G.E.M.表示在重溫DVD時，看到自己跳鋼管舞的部份感觸最大，她說：「我當時諗番起自己初時見到條鋼管都驚，因為我本身有畏高，但係經過幾個月排練，我可以好成功咁完成件事，嗰一刻我真係好感動。」
採訪：李珮洳 攝影：林德雄
髮型：AdrianAuofHairCulture
化妝：JanChanofAnnieG.ChanMake-upCentre