微博近年來大受歡迎，不少藝人都喜歡透過這平台自我宣傳，由於內地封鎖facebook，間接令微博更受歡迎。詹瑞文最近以微博為中心，創作了新舞台劇《微男博女》，從網絡世界看看現代男女間的關係及溝通方式。
詹瑞文最新劇場創作《微男博女》於本月15日在香港演藝學院上演，此劇由詹Sir的徒弟翟凱泰（泰臣）及楊詩敏（蝦頭）擔綱演出。身為導演的詹Sir透露，此劇是探討男女間在網絡世界發生的趣事，他說：「自從寫blog之後，大家已習慣將自己生活嘅一舉一動都post上網同朋友分享，之後facebook盛行，近年微博嘅受歡迎程度亦唔弱，而且佢嘅影響力可以去到內地，所以呢個topic一定可以令大家好有同感。」
評Cammi夠博
詹Sir最想從微博帶出現代社會中，男女地位已大執位的現象，他說：「家啲女仔好強，好多女仔都好博，可以叫佢哋做博女。你睇吓一個16歲嘅模Cammi已經夠晒博啦。反而男性地位冇以前咁高，微男可以指係性能力微軟、工作能力微弱嘅男人。」
早前詹Sir帶着化身學生的泰臣及蝦頭，到旺角行人專用區宣傳，他們逗留不夠一分鐘已引來大批市民用手機拍照，一會兒已發覺有人將相放上網，可見大家對網絡世界的沉迷程度。
泰臣覺得大部份人沉醉於網絡世界，朋友間見面都只顧拿着iPhone各自各看facebook或微博。而蝦頭就曾見過一對男女於港鐵車廂內相擁，但二人就各自拿着手機上網，男女關係表面上看似很親密，實際上是欠缺溝通，所以在劇中他們都會探討有關趣事。
採訪：李珮洳
攝影：陳順禎