黃澤鋒自87年加入無綫，轉眼在這個大家庭服務了24年，不過踏入今個月他便回復自由身，待至明年3月便效力王維基旗下的城巿電訊。
跳槽加人工
為慶祝「錢」途一片光明，黃澤鋒日前帶老婆陳麗麗狂擦大閘蟹，他昨日在電話炮轟無綫說：「我入咗無綫成24年，乜嘢青春都畀晒佢，但自2000年後，過去11年都冇加過人工，佢只係顧住啲親生仔女。舊年無綫賺錢，職員有花紅分，偏偏我哋藝人就冇份，好心淡。呢次王維基邀請過檔，佢哋真係好有誠意。」
黃澤鋒表示跟城巿電訊簽約兩年，他說：「我哋都要養家，新約人工多咗一倍半，嚟緊仲有機會返內地發展，賺吓人仔，點會唔開心。」
採訪：比華利