渣打馬拉松已經變成香港盛事之一，每年吸引世界各地人士參加，當中唔少係傷殘人士。噚日就有超過100名學生，包括50位智障人士，用大手掌砌咗象徵勝利嘅「V」字圖案，宣揚馬拉松精神。雖然比賽明年2月先舉行，但一班中小學生已經設計咗1400隻大手掌，比賽當日派畀在場人士打氣。
獨家TUSCAN'S
幫Prada（1913）同Coach（6388）做手袋嘅時代集團（1023）噚日上市，特登整咗個絕版金色迷你小包包（左圖）送畀港交所（388）。華華聽聞呢個TUSCAN'S冇得賣，因香港未有TUSCAN'S分店！但行政總裁楊和輝（右圖右）話，會喺香港開零售點喎。
躁樣仁超
噚日華華路經中環太子大廈，見到專欄作家曹仁超，個樣似有啲躁，所以華華唔敢打擾。佢最近好少喺公開場合講兩句，但想聽佢發表偉論，嚟緊星期五有機會，佢會出席香港經濟峯會，到時仲有陳德霖、李小加、夏佳理同王冬勝等財金猛人出現。
