【都是那些年】台片《那些年，我們一起追的女孩》在港勁收近6,000萬票房，男女主角柯震東和陳妍希迷倒不少香港少男少女。今次本報記者找來高鈞賢和張秀文扮演港版柯景騰、沈佳宜，高鈞賢的相似度幾可亂真，張秀文則坦言不敢高攀眾男心目中的女神。不過二人的初戀情節，跟主角倒有不少相同之處。
撰文：汪芷寧
高鈞賢日前穿上繡有柯景騰名字的精誠中學校服，踏單車在路上飛馳，遠看幾乎以為柯震東就在眼前，問他覺不覺得自己似柯震東？他說：「神態有少少似，但我梗係做番自己，其實我入行時啲人話我有少少似韓星阿Rain，家啲人都話我同柯震東有少少似，我哋三個都高大，係個神態、面形似。」
問高鈞賢會否考慮往台灣發展？他坦言：「有諗過，拍《肥田囍事》後有台灣劇搵我，但跟住無綫開劇就冇下文，睇吓呢幾年公司發展點啦。」
「我懶型唔敢表白」
估不到高鈞賢不但外形似足柯震東，他的校園戀愛經歷也有點像《那些年》劇情，他14歲那年有個低一年班的混血師妹NatalieChan，被打籃球了得的高鈞賢吸引，高對她也有好感，他說：「有時一齊經過locker，但都冇傾偈，其實大家都鍾意對方，但我就懶型仔唔望佢，其實眼尾會睇吓佢有冇望我，最後都係乜都冇發生。之後佢同人拍拖，我就好揼心，因為自己懶型唔敢表白，想keep住佢仰慕我嘅感覺，咁就走寶！」
不過四、五年前單身的Natalie返港，高鈞賢特別為她悉心安排行程，有拍拖的感覺，他笑言：「好彩結果都拖到佢隻手，送佢返去仲有goodbyekiss，好過柯景騰吖！之後佢返加拿大就有男友，但我唔會唔開心，因為鍾意佢，只會想佢好。」
張秀文監男友讀書
至於沈佳宜就由上屆港姐亞軍張秀文來演繹，她自言不敢高攀眾人的女神陳妍希，她只覺自己的酒渦有點似陳。原來張秀文也如沈佳宜般是高材生，中學成績總是前十名，直到中五才初戀，她說：「啲男生覺得我讀書太叻唔敢追，正正就係《那些年》嘅情節。」張秀文的初戀男友也像柯景騰般讀書不叻。穿上沈佳宜的校服，令她回想起當年督促初戀男友用功讀書的情景。