克羅地亞網球手伊雲尼斯域喺溫布頓有美好回憶，但佢追捧嘅足球隊唔係AFC溫布頓或米爾頓凱恩斯，而係西布朗。喺上星期六「發球機器」仲首次入場捧西布朗，見證住球隊作客逼和昆士柏1:1。賽後佢走入更衣家同職球員握手，西布朗亦送咗件印有佢個名同全隊簽名嘅球衣畀佢，但件衫size太細，身高6呎4嘅伊雲尼斯域着唔落，唯有拎住同領隊鶴臣合照（圖）。