謝安琪（Kay）將於明年1月13及14日在紅館舉行「謝安琪2012你們的幸福演唱會」，她昨在中環一間錶行出席記者會，並獲贈一隻40多萬元的鑽石手錶。
性感衫欠奉
Kay透露今次演唱會將以幸福做主題，會帶給歌迷溫暖及舒服的感覺，而主辦單位亦已邀請世界各地的音樂家與她合作，Kay認為是一次音樂交流的好機會，她說：「我之前做過好多公益事務，認識咗一班唔同階層人士，好似物料再造藝術家、車衣女工、失業婦女等，我希望佢哋都可以參與今次演唱會，以環保概念幫手整衫同做佈景。」問會否邀請老公張繼聰做嘉賓？她說：「唔會，佢喺台下睇就得嘞。到時亦唔會有性感衫，唔係老公唔畀，而係我唔係行呢條路線，平時着衫都扣到上喉嚨，亦唔會跳辣身舞。」
採訪：胡比
攝影：陳慧安