何超雲同陳山聰一向愛得高調,唔知係咪佢哋兩個人成日糖黐豆咁喺埋一齊,超雲就俾有「潮山聰」之稱嘅男友影響到,家潮味十足又夠膽創新。超雲喺噚晚七點半左右喺微博上載咗一張自己嘅新髮型相,張相雖然只係見到超雲嘅右邊面,不過見到佢右邊嘅頭髮鏟到好短,成個男仔咁款。超雲仲喺微博好抵死咁講笑話,自己係受咗刺激先剪呢個髮型喎。早排先見台星桂綸鎂亦都鏟咗青,可見超雲認真跟得上潮流。