曼城「叛將」泰維斯（圖）1月會走已經係一個不爭嘅事實，意甲班霸AC米蘭就對佢好有興趣，成日都想先借後買；但曼城三心兩意，又想一次過收晒錢，又想盡快踢佢走，搞到拖延轉會進度。不過周一突有新發展，A米副會長加里安尼話曼城畀佢哋同泰仔經理人傾，不過就唔知曼城有咩要求，仲話唔好講太多，廢事個價會升。咦，睇嚟A米想一手買入泰仔。