楊思琦之前同拍拖多年嘅男友李泳豪分手，冇幾耐就宣佈同前跳水名將吳帥拍拖，最近仲傳出佢未婚懷孕，又話出年6月會下嫁吳帥，但當事人一直未有解畫。噚日無綫高層樂易玲（小圖）到尖沙嘴出席活動，提到楊思琦嘅傳聞，樂小姐話：「我冇搵過佢，但有搵過佢經理人，佢話思琦冇推工作冇請假，我更唔信佢會解約，因為佢好緊張自己嘅工作。」