養寵物係件好事，但如果寵物好生養就好麻煩。好似曼聯中場路爾斯安達臣（圖）咁，因為膝傷要唞到下年2月，可能因為冇乜嘢好做，所以最近買咗兩隻瑞士伯恩山犬，諗住陶冶性情。點知佢懵盛盛咁買咗一公一乸，搞到家多咗8隻狗BB！爆料嗰位仁兄話安達臣想盡辦法四圍叫隊友領養啲狗仔，但係啲隊友睬佢都儍，搞到佢要喺公園散步嗰時，要問啲路人有冇興趣收留狗BB。