鍾一憲同麥貝夷噚日喺荃灣補習學校出席簽名會，講到有傳鍾一憲玩斷背，有個同居空少男友，鍾一憲話個男仔係由細識到大嘅朋友，佢又話自己係長子嫡孫，會搞到絕子絕孫，強調自己係正常男仔。問鍾一憲驚唔驚有啲仲激嘅相流出？佢話：「冇喇，最多都係以前讀書時同女仔玩遊戲輸咗嘴對嘴錫嘅相。」鍾一憲話以前啲女友都問佢係咪入行後轉咗軚。