曼城人才濟濟，就連高路托尼（圖）呢啲好波之人都要坐冷板。雖則托尼之前因食錯老婆減肥藥而被禁賽半年，但係有佢助陣，條後防線都叫穩健吖。可惜領隊文仙尼今季重用高柏尼拍尼史葛，甚或用新兵史提芬沙域，搞到托尼同傳媒勁呻冇波踢仲慘過坐波監，又話球會歧視非洲兵，更話沙域喺對昆士柏流浪場波冇料到。話晒都係隊友，畀吓面好喎。