傑斯同弟婦娜塔莎（右）嘅荒謬鬧劇睇怕有排都沒完沒了，之前講過話娜塔莎會參加英國真人騷節目，據講佢除咗會大講同傑斯嘅故事之外，另外仲有料會爆。娜塔莎收得錢上節目實行賣大包，有傳佢會講埋同一堆前曼聯球員嘅精采故事，主角包括約基、巴斯利同埋丹尼森遜，至於內容鹽份有幾多，大家就拭目以待咯。