下月13日便滿80歲的李香琴，昨晚獲無綫副行政主席梁乃鵬頒發萬千光輝演藝人大獎，表揚她在娛樂界數十年的貢獻，琴姐的孫仔、契仔呂良偉、好友胡楓、黃日華等陪她領獎，一同分享喜悅。
「以為係幻覺」
從梁乃鵬手上領過獎座的琴姐激動地說：「我受之有愧，以為係幻覺，家至知係真！好開心，我幾十年嚟冇得過獎㗎！」14、15歲就做粵劇的琴姐，坦言以前只做丫鬟，行先死先企兩邊，之後轉到電影界想過攞獎，但都只有份演奸妃、西宮、後母角色，不可能會有獎。
不過她一直都用心演戲，直至前幾年，終有機會被邀重返無綫，連續在兩個劇中做成功的嫲嫲角色，還有連小朋友都識的「唔使驚，嫲嫲喺大廳！」的經典金句，故她十分感激無綫及樂易玲、曾勵珍等高層。