巴西一代名宿蘇古迪斯星期日離世，終年57歲，「後踭王」嘅風采以後只可以喺youtube或者啲陳年錄影帶睇到。而佢喺78至84年間，效力過嘅巴甲球隊哥連泰斯，可能因為前隊長過咗身，喺周日嘅巴甲聯賽煞科戰，都打得特別有火，總共有4張紅牌！不過最後都以0:0和咗彭美拉斯，力壓華斯高，6年來首度奪冠，觀眾席亦有悼念橫額（上圖），Dr.蘇古迪斯在天之靈都應該會感到安慰。同日南美都出咗兩個冠軍，阿根廷小保加（下圖）3球大炒班菲特，3年之後重奪冠軍。至於烏拉圭聯賽，國民隊憑老將列高巴嘅入波，1:0球小勝利物浦封王。