「71年啦，無一件事咁震撼，咁悲傷！」年近九旬的花園街攤販元老邵伯，坐在花園街街角生果檔前，目光遙看街尾，正是日前奪去九條人命的火場，燒焦味仍乘風撲鼻。一生在花園街打滾的邵伯無限感觸，排擋見證其畢生努力，靠雙手養活一家十餘口的血與汗：「咁多年來排擋多咗，人情味卻少了。」
華燈初上的花園街，剛歷火劫的檔販忙於收拾殘局，街頭卻別無異樣，小販叫賣聲此起彼落，花園街與旺角道交界，編號137排檔前放滿「舊橙」，一老翁咪着眼閱報，不時遠望街尾封鎖範圍內警察消防活動，並留意相熟檔主下落：「我一生同花園街已經無法子分割開。」，老翁叫邵珠培，今年89歲，人稱邵伯，相信是花園街最老攤販。
邵伯年幼時跟父母由增城來港定居，父親不久便撒手人寰，母子相依為命。1939年，二戰揭幕，18歲的邵拿着叔叔給他娶妻的錢，在花園街40號開米舖「品興隆」，前舖後居：「我娶老婆用咗2,000蚊，剩番3,000蚊開舖，我租埋出面排檔賣雜貨。」
競爭激烈磨擦日增
「嗰時排檔疏落，隔四五個舖位才有一個，同行間好互相照應，排擋數目自八、九十年代劇增，至10多年前成旅遊景點後，更佈滿整條花園街。競爭激烈，人與人之間磨擦增多，各家自掃門前雪。」
邵伯透露年輕時妻子看舖，自己與三個伙記並肩騎單車四出送米，朝6晚12，種種辛酸均一笑帶過，最難忘是戰時搶米潮：「試過一日賣幾百擔米，米價上漲我冇加過一毛錢。大家都係街坊，幫咗人，佢哋會記得，和平後街坊繼續幫趁，大家都叫『米佬』，有乜事大家打聲招呼，幫得到都會幫，有爭執，大家各退一步。」邵伯憑雙手養活了三子兩女，和多名子侄。
12年前米舖結業，邵改在排檔賣生果，他每日凌晨三時起床訂貨，朝八開舖，晚九收檔：「個個都叫我唔好咁辛苦，但我慣晒，見吓街坊會開心啲，又可以幫吓屋企人。」上周三慘劇卻令他痛心難過：「嗰朝我碗麪都食得一半，個心好耐未試過咁唔舒服。其實政府早就知呢個後患，但由得啲排檔越開越多，唉！」
政府希望朝桁晚拆，同行反對，邵欲言又止：「最緊要係大家好，唔好再出現同類慘事，做人唔可以淨係諗自己。」晚上九時許，邵伯把燈關上，拖着因長期站立而患靜脈曲張的右腿走上歸途。
《蘋果》記者