名模周汶錡（Kathy）近年轉型出書、做主持及進軍商界投資美容院，昨日有讀者向本報報料，指Kathy對前經理人周珍妮（Janey）忘恩負義，據知Janey曾出資為Kathy出旅遊書，但到了2009年Kathy挖走Janey的美容院一班員工，自己另起爐灶開美容院，又四處散播謠言指Janey的公司面臨倒閉。昨日致電Kathy求證時，Kathy表示不知情，Janey則謂不關Kathy的事，可能有人想造新聞。
周汶錡近年甚少行騷，並且轉型從商投資開美容院，去年更親身上陣與台灣型男高以翔擔任美容院代言人做生招牌，昨日有讀者向本報報料，指名模Kathy對前經理人周珍妮（Janey）忘恩負義，報料者自稱是小說家，著作《華麗面子》便是以Kathy和Janey為藍本，她又自稱是事件中的受害者。
「曾經有唔開心過」
據報料者稱本開設美容院的Janey，曾出資替Kathy推出旅遊書《台北之旅》和《MyDreamWedding》，2009年時Kathy卻挖走Janey美容院一班員工，到Kathy開設的美容院工作，同時又發放謠言指Janey的公司面臨倒閉，昨日記者致電向Kathy求證，Kathy說：「我唔知你講乜，唔回應。」
之後記者致電Janey求證，她對此說：「件事冇咁誇張，09年Kathy投資開美容院，我投資嘅美容院就有個經理過檔佢間公司，最後我公司三分之二員工過檔，當時公司踢晒腳，曾經有唔開心過，但都過咗去。我好清楚Kathy為人，知道唔關佢事，我哋從來冇嗌交，家我公司好穩定，我會支持Kathy，但希望佢啲員工唔好再傳我公司執笠。」
「當時出書係蝕錢」
對於Janey當年為Kathy出書，Janey說：「當時出書真係蝕咗錢，台北同香港兩本旅遊書銷量一般，只有《MyDreamWedding》賺錢。我家冇做出版，主力做美容生意，寫呢封email嘅人可能想造新聞。」
採訪：唐如
