觀眾心目中的大熱視帝鄭嘉穎，明晚將憑《怒火街頭》問鼎最佳男主角獎，昨日他在馬鞍山新港城中心出席活動，對於大熱視帝可能倒灶的報道，他哈哈笑說：「如果真係大熱倒灶都冇辦法㗎！呢啲唔係我控制範圍以內，我覺得可以做拉票，訪問可以做都做咗！粉絲都可以網上投票，亦都好多謝佢哋，官方好非官方又好，到呢個時刻我都係領先，亦好多謝公司同事咁支持，我哋知道唔係全部係外面投票，所以都好睇公司裏面投票，大家星期一睇，我冇預知㗎！」
之前吳鎮宇爆謝天華找他頒獎給自己，嘉穎笑說：「咁如果我見到鎮宇我就知冇喇，哈哈哈，即係食白果！」曾贏視帝的嘉穎，對於可否再次得獎，表示以平常心面對，他說：「我拍戲都係為咗得到認同，今年得到觀眾嘅認同已經好足夠。」
採訪、攝影：楊潔雯