草蜢噚日喺apm出席「草蜢25週年千個夢簽唱會」，佢哋月中會去上海搞最後一站巡迴演唱會，之後留港過聖誕，除夕就去台灣出席倒數活動。草蜢話今年工作係多，但收入好少，因為一份人工三個人分。草蜢今晚會憑《華麗明星賽》角逐無綫最佳節目主持，佢哋都希望得獎。至於視帝視后心水，草蜢話做過《華》節目嘅嘉賓得獎機會較高。