林嘉欣昨日在又一城出席送冷帽慈善活動，她去年10月於加拿大誕下一女，昨日見她穿上鬆身衫，記者以為她又有喜，嘉欣否認說：「唔係，只係着鬆身衫輕鬆啲，家返香港定居，呢個活動我支持咗三年，我用咗個女嘅名義捐咗政府派嘅6,000元。」
問嘉欣會否復出拍戲？她說：「如果要返內地拍就唔考慮，個女仲細，家好多劇本都要返內地拍，唔會諗住。」談到13個月大的女兒，嘉欣即甜笑說：「每一刻都好enjoy同個女一齊，佢朝早6點鐘就醒，佢一醒我就陪佢玩，我都想追多個，朋友話唔好隔太耐，所以考慮緊。」對於有指嘉欣回港定居，為了箍實老公，她說：「主要唔想家人成日飛，而且父母都想見證小朋友好多個第一次。」
採訪：譚倩宜
攝影：陳俊強