任賢齊最近成為台北松山機場形象代言人，噚日佢要返台灣出席代言人同新碟記招，唱片公司不惜成本為小齊包咗專機，畀佢由香港飛返台灣，現場仲鋪埋紅地毯，小齊講笑話：「雖然有時候因為工作關係會搭專機，但有紅地毯接待係第一次，有做元首嘅感覺！」而喺記者會上，小齊嘅好友連勝文亦現身撐場，佢仲自掏腰包買咗200張小齊嘅新碟。