布力般流浪今季戰績差，領隊卻恩日日俾球迷叫下台，認真唔好受，好彩上周六有耶高保（圖）雪中送炭；布力般主場對史雲斯呢場護級大戰，耶高保個人入晒4球，幫布力般贏4:2，總算幫卻恩止血。耶高保之前踢樸茅同愛華頓，最叻都係單場入3球，今次食出大四喜，今季已累積9個入球；布力般只花150萬鎊（1,850萬港元）收購呢位29歲嘅尼日利亞前鋒，抵到爛。