張學友前晚喺中山演出「1/2世紀世界巡迴演唱會」第100場，之後學友出席由經理人陳淑芬安排嘅慶祝會，學友日內就會再起程去馬來西亞舉行4場演唱會，然後先有機會放假。陳淑芬話上次學友個唱開咗105場，今次計埋嚟緊嘅澳門站，合共有108場，破咗舊紀錄，而學友今次揀咗明年5月18日回歸香港嘅亞洲博覽館做最終站。