否認見頂「平啲上市 不浪費工夫」

否認見頂
「平啲上市 不浪費工夫」

眼光獨到的周大福(1929)榮譽主席「彤叔」鄭裕彤,願意把「掌上明珠」周大福急急上市,市場普遍演繹為是珠寶股估值見頂的先兆。不過主席鄭家純昨日斷言否認此觀點,更形容是為了「不浪費管理層嘅工夫」,才願意「平啲」上市。
在市場具有絕對領導地位的周大福,現時招股價相當於2013年3月底止的預測市盈率15至21倍,而六福(590)及周生生(116)則分別為11.7及10.6倍。
「我哋幾個月之前已經準備上市,嗰時唔知今日嘅市況係咁。我哋唔想浪費大家嘅精力,所以決定平啲、合理啲咁上咗佢。絕對唔係外界所講,話已經到頂。我哋係睇長遠,我覺得家先係(增長)動力嘅開始。」鄭家純說。

有信心純利增長78%

他強調,市場短期起落不是他們關心的重點:「總之長遠係好強勁。」周大福董事總經理黃紹基補充,10月至今公司客流量仍然很好,有信心可達成本年度純利不少於63億元的預測,即按年至少增長78%。
周大福目標往後每年都淨增加200個銷售點,即平均每2日就要開1間舖。鄭家純表示,未來10年都不會考慮在大中華區以外地方擴張,上市後亦沒有再額外融資的需要。