2012年歐國盃日前進行分組抽籤，每組都睇都好具均勢。唔知係咪因為咁，歐洲足協破天荒決定，今屆歐國盃小組第3，就算入唔到8強，都可以得到100萬歐元（約1,040萬港元）嘅安慰獎金。而今屆總獎金有成1.9億歐元咁多，出場已經可以袋800萬，8強贏波袋多250萬，計埋小組賽嘅獎金，冠軍球隊可以贏2,300萬歐元番屋企，認真和味。