日租劏房集團生意興旺，不斷增聘人手，記者根據招聘廣告，早前放蛇應徵貼街招工作，直擊集團位於基隆街258號的總部。只見發現該辦公室內堆滿街招、易拉架和床鋪被單等雜物，旁邊放了兩張枱，設備簡陋。其中一名男職員不停在室內為宣傳海報及街招貼上雙面膠紙，準備大肆宣傳「時租劏房」。
當日姓梁老闆親自接見，他說自己無卡片，亦無成立任何公司，貼街招散工日薪450元，天天出糧。「我哋現金出糧，你攞綜援我哋唔理，呢個市場好大，啲嘢多到做唔晒。」「我哋周圍貼，唔淨係深水埗區，九龍有太子、旺角、油麻地、佐敦、長沙灣、葵芳、葵興、新蒲崗、土瓜灣、紅磡。香港有北角、上環同西環，我哋想將其他區嘅客掹過嚟。」他稱若記者夠醒目，可不斷加人工，記者其後推說工作不適合離開。
《蘋果》記者