上周五大市早段回吐，但午後突然大升，美國當晚又將出失業數據，令人憧憬又再有好消息推出，似足上周三七國央行聯手干預之前的大高水情況，雖然個股大部份唔跟升，但前車可鑑，淡友紛紛躲避。以筆者為例，現仍是死硬派淡友，但也對冲部份淡倉，情願美國出完數據或今天再沽番，大淡友續看淡也有所收斂，可想而知挾倉的恐怖。
美國失業率改善，但美股指數不升反跌，可以是獲利回吐後再上，亦可以是升勢已盡，但數據公佈後指數由頭跌到尾，所謂挾倉必須唔俾淡友有喘息空間，挾到無呼吸，只要時間一長，其他人計一計數，知道今次行動除中國外，無注入實質流動性，必引來其他沽家，現在唞足一晚，相信今天大市難以上衝，若遇收市跌破上周五低位，相信高位已現，淡友無事，繼續跳舞。
筆者相信現情況比2008年差（除美國外，因相對上其他國家差了），2008年中間價在18000點左右，現階段應在18000點以下，所以要筆者買貨相信要有個大升勢才會改觀。
央行講幾句難解困
此外，純憑經驗看市，每一期都有些行業經營環境特差。2007年內地加工資，成本上漲，傳統工業認真難做，而今次歐債危機矛頭直指金融業，必有多間銀行倒閉，但現在只有小貓幾間，斷唔會央行講幾句就可以解決，最低限度要有大到不能倒的銀行求救。
先前的價值陷阱，令基金價格勁跌，沒理由可以捱幾個月便上返去，當無事發生，一定要有大型基金出事，迫使各國合作幾次做出實際行動以示決心，方可令大市熊去牛來。現在似乎一切都解決得太容易了，所以士佳一見阻力會再次出手，情願用小型止蝕去防萬一，博大市再次穿底。
張士佳
寶來證券（香港）資產管理部董事
本欄逢周一、三、五刊出