國際米蘭老將辛尼迪17年道行一朝喪；唔講大家未必知，原來辛尼迪打咗意甲17年，除咗99年意大利盃一張紅牌之外，咁多年都未試過喺球場見紅！點知上個禮拜六國米輸畀烏甸尼斯1:0場波中，辛尼迪（圖）喺無可奈何下一個犯規，竟然換嚟球員生涯第2張、聯賽第1張紅牌！場波都有好多talkingpoints，除咗辛尼迪見紅之外，烏甸同國米亦各有球員射失12碼，如果唔係，戰果隨時改寫。講番辛尼迪領紅單嘢，踢法咁乾淨嘅球員，除咗英格蘭名宿連尼加一生清白之外，就要數已經38歲嘅辛尼迪，而且老辛仲要係防守球員，今次見紅真係慘無人道！