小生花旦爭崩頭嘅無綫《萬千星輝頒獎典禮2011》將於後日舉行，本報搵咗50個藝人選出佢哋心目中嘅視帝視后，結果《萬凰之王》嘅胡杏兒就以壓倒性嘅32票成為視后（詳見附表），遠遠拋離得4票排第二嘅佘詩曼同陳法拉；而《怒火街頭》嘅Law霸鄭嘉穎得20票、以3票之微險勝《潛行狙擊》嘅Laughing哥謝天華。
敏之最佳女配角
至於最佳男、女配角方面，黃智賢得16票成為藝人心目中最佳男配角，陳敏之就以17票撼贏胡定欣。另外，喺無綫官網TVBFun當中，至昨日為止鄭嘉穎以40%票數遙遙領先得票25%排第二嘅天華；而女主角方面，杏兒同法拉係28%同24%之爭，戰況比較緊湊。
杏兒自信試戰衣
對於獲同事支持，杏兒話：「同事咁支持真係好開心，好難得，希望唔會令佢哋失望啦。」問有冇信心攞視后？佢話：「信心係比當初宣佈入圍時多咗，我今年好用功去考呢個大考，唔只及格啦，家大家都覺得OK，都算放下心頭大石。」噚日準視后杏兒喺銅鑼灣試戰衣，問使唔使畀男友黃宗澤先過目？杏兒話：「件衫我都未有得過目，家都未整好。」
另外，有份競逐視帝嘅林峯今個月8號生日，噚日佢喺尖沙嘴出席活動時，大會就幫佢賀生日，佢話正日會同家人過，fans今日會為佢搞生日會。問佢想唔想搵個女友？林峯話希望有呢一日。
TVB藝人一人一票
投票藝人：1.林峯 視帝視后心水：黎耀祥、胡杏兒
投票藝人：2.吳卓羲 視帝視后心水：黎耀祥、胡杏兒
投票藝人：3.徐子珊 視帝視后心水：黃宗澤、胡杏兒
投票藝人：4.鍾嘉欣 視帝視后心水：黎耀祥、胡杏兒
投票藝人：5.鄭嘉穎 視帝視后心水：謝天華、胡杏兒
投票藝人：6.胡杏兒 視帝視后心水：鄭嘉穎、楊 怡
投票藝人：7.黃宗澤 視帝視后心水：謝天華、胡杏兒
投票藝人：8.胡定欣 視帝視后心水：鄭嘉穎、胡杏兒
投票藝人：9.馬國明 視帝視后心水：鄭嘉穎、李司棋
投票藝人：10.李詩韻 視帝視后心水：鄭嘉穎、胡杏兒
投票藝人：11.唐詩詠 視帝視后心水：鄭嘉穎、胡杏兒
投票藝人：12.田蕊妮 視帝視后心水：鄭嘉穎、胡杏兒
投票藝人：13.惠英紅 視帝視后心水：黎耀祥、胡杏兒
投票藝人：14.陳敏之 視帝視后心水：鄭嘉穎、胡杏兒
投票藝人：15.阮兆祥 視帝視后心水：黃宗澤、佘詩曼
投票藝人：16.關菊英 視帝視后心水：鄭嘉穎、陳法拉
投票藝人：17.張國強 視帝視后心水：謝天華、胡杏兒
投票藝人：18.李司棋 視帝視后心水：謝天華、胡杏兒
投票藝人：19.李香琴 視帝視后心水：謝天華、胡杏兒
投票藝人：20.陳展鵬 視帝視后心水：鄭嘉穎、胡杏兒
投票藝人：21.湯盈盈 視帝視后心水：謝天華、佘詩曼
投票藝人：22.馬賽 視帝視后心水：謝天華、胡杏兒
投票藝人：23.錢嘉樂 視帝視后心水：鄭嘉穎、胡杏兒
投票藝人：24.楊秀惠 視帝視后心水：鄭嘉穎、胡杏兒
投票藝人：25.苟芸慧 視帝視后心水：鄭嘉穎、胡杏兒
投票藝人：26.李亞男 視帝視后心水：謝天華、陳法拉
投票藝人：27.周家蔚 視帝視后心水：謝天華、佘詩曼
投票藝人：28.高鈞賢 視帝視后心水：鄭嘉穎、胡杏兒
投票藝人：29.黃長興 視帝視后心水：謝天華、佘詩曼
投票藝人：30.蕭正楠 視帝視后心水：黎耀祥、陳法拉
投票藝人：31.李璨琛 視帝視后心水：鄭嘉穎、胡杏兒
投票藝人：32.林子善 視帝視后心水：鄭嘉穎、胡杏兒
投票藝人：33.劉丹 視帝視后心水：鄭嘉穎、楊怡
投票藝人：34.龔嘉欣 視帝視后心水：鄭嘉穎、陳法拉
投票藝人：35.鄧健泓 視帝視后心水：鄭嘉穎、田蕊妮