謝婷婷前晚在中環為Chopard珠寶示範首飾，穿性感裝束，戴上價值3,000萬黃鑽的婷婷自言非常緊張：「知道自己全身超過3,000萬，好鍾意黃鑽溫柔又矜貴。」
讚Lucas聰明
男友安志杰早前傷手，婷婷指他仍未痊癒：「有啲發炎同腫，媽咪都成日打嚟問候，叫佢唔好整傷埋另一隻手，要留番嚟保護我喎。」婷婷又爆安志杰有繼續打機，更指父母視他為準女婿。圈中龍BB接踵而來，問婷婷可想加入生龍B的星媽行列？她說：「唔係好恨，男友以前都話唔生，但家就轉咗口風。」姪仔Lucas近期又被張栢芝帶出埠，更被指經常逃學，婷婷說：「佢好活潑，冇時停，但佢係聰明，唔係百厭。」另外，安志杰昨在元朗為電影《逆戰》宣傳，他打算離港過聖誕，一切等待婷婷安排，至於聖誕禮物，他希望親手製作禮物。採訪、攝影：盧妹