得要承認上月在擂台成績差強人意，尤如上周財經版報道那些所謂星級投資高手，跑輸大市；自己檢討上月失敗，主因策略問題，猶其貼中冷門冇錢收最沮喪。今天重心放在明天狼隊主場新特蘭，望新月有好開始。
周中波向來下盤多，可惜熱冷互串策略不奏效，這是常犯的心理問題，入到戰場有時不能兼顧太多顧慮太多；結果貼中4倍的利物浦冷W及超過4.5倍嘅[+1]水晶宮紀錄，擂台分數上也冇乜進賬。今個月要敢於重心出擊，冇分頭，愛隊也要捨棄。
今周英超強隊多作客出擊，冇勢嘅曼聯、車仔同欠分頭嘅阿仙奴俱不是重心出擊場次，也小心當中有冷W爆出；尤其車仔如我一樣頹，紐記一周踢一場仲要喺氣勢磅礡嘅SportsDirectArena（之前叫聖占士公園球場）踢今晚早場，唔易輸。另外，膽生毛極也不敢將今屆認為最好升班馬諾域治放在本欄貼士，其實他們慣對強隊捱打也試過出冷，個人情感望他們今夜作客頂得住曼城，自己會小注曼城小勝開「和」及[+1]，兩注本錢中到仍有肉食。
周中放假閒適，早幾天下午出外看《孖展風雲》，晚上在家中欣賞今夏在港上映過的《來佬奇緣》DVD；好在識揀睇戲時間先苦後甜，冇學歷失業中年漢如「來佬」中的湯漢斯自強不息，相反留低為錢做奴隸做惡魔聽候主子差遣的金融「精英」更可悲。湯漢斯的吸引力永遠是給人希望給人陽光，《阿甘正傳》最正，雖然從畫面看到老態，但兼做導演，長做長有自有原因。
一向形象耿直嘅中年漢布魯士成為今屆英超「第一人」（第一位被炒領隊）實在慘情，打從他的戰友昆尼從主席位被拉倒，他在新特蘭的「生命」已在倒數，結果仲快過冇料嘅布力般卻恩；其實英超中型班領隊絕唔易捱，班主多冇雄財又要力爭，年初好價放走了戴倫賓特或許是無奈，但球會為錢再借基恩去中東，而借得賓特拿打中鋒當寶，可能先最大鑊。
排尾5的新特蘭傳聘得的新帥奧尼爾未上任，明天作客到擅打護級戰、兼對連同上季連續4次贏波都開到[-1]的狼隊，今想向新特蘭這隻落水狗整多棍！下次見報（07/12）
文：蘋果波神
今日
重心推介
熱選：狼隊（上）
冷選：狼隊勝[-1]（4.25）