曾被封為賤男嘅梁榮忠，日前接受網上節目訪問，講到陳浩民因涉狼吻陳嘉桓，被稱為新一代賤男，結果要拖住腹大便便嘅老婆出嚟道歉，梁榮忠話：「我覺得帶老婆出嚟面對傳媒，對事情係零幫助，如果我係陳浩民，我絕對唔會要老婆出嚟，要佢頂一半，咁樣會傷害到女人。」梁榮忠又話其實大家要公平啲，睇個男之餘，其實要睇埋女嗰面先夠全面。