車路士嘅更衣室驚現一把7吋Rambo式長刀！有清潔工人喺車仔訓練基地嘅青年軍專用更衣室入面，搵到把刀，當堂嚇一嚇。球會高層都覺得事態嚴重，即刻叫晒所有青年軍嚟訓話，仲叫個佢哋精精哋就出嚟自首，但冇人肯認把刀係佢嘅；搞到會方一度想搵警察嚟套取指紋。不過，車仔嘅發言人後來澄清，把刀應該係裝修工人留低，虛驚一場啫。