趙碩之和胡渭康早前因結伴睇騷而傳緋聞，前晚兩人又一同到數碼港出席「2011中國小姐香港賽區總決賽」，林莉則做表演嘉賓。
問趙碩之和胡渭康進展如何，是否已撻着？胡渭康笑說：「佢好多人撻，好難撻，如果我出馬，我一定要得，唔好逼我出手，唔係下年就宣佈有喜，不過我單身咗咁多年，有負擔反而唔慣。」趙碩之聞言即搞笑說：「我負擔都夠大，如果你唔怕失敗就出招。」
曾淑雅奪冠
經過一輪比賽後，結果由組合Mi55前成員6曾淑雅贏得冠軍，她兼得最上鏡小姐及最具人氣大獎。亞軍則是9李怡燃，季軍是7解晴，當中身材最勁有34D上圍的1陳頌祺未能憑身材勝出。冠軍曾淑雅說：「退隊都值得，完咗任期都唔會歸隊，會向模特兒界發展。」
採訪、攝影：文國駿