林欣彤噚日喺無綫電視城出席《全城響應助更生》拜神活動，講到有消息話佢拍電影嗰陣，俾一姐容祖兒蝦，以致心情麻麻，暴瘦15磅，林媽媽仲好擔心㖭，林欣彤話：「吓！冇啲咁嘅事，拍戲嗰陣成日都同祖兒傾偈，我有問題又會請教佢，又會教我點處理。」佢仲話：「其實個個媽咪都會擔心自己仔女，我覺得自己肥番好多，只係少休息攰啲。」