【本報訊】「有冇搞錯呀？無氧氣面罩，乜嘢裝備都冇，叫人點走呀？」家住火警大廈的林小姐，昨凌晨火災期間與友人被困單位內，其間多次報警求助，999電台人員先叫她們留在室內，其後又着她們「試吓衝上天台，或者衝落樓啦！」林女苦候多時，才有消防員到場搶救，又因缺乏氧氣面罩，無法沿濃煙密佈的梯間逃生，消防員無線電通訊更一度中斷，幾經擾攘才獲配氧氣面罩逃離火場。
記者：梁婉珊、譚志輝、孫文瑛
任職婚宴裝飾業的林小姐，與友人合資以4,000多元，租住花園街192號4樓一間百餘呎劏房，昨日凌晨險因一場大火被毒煙焗死，事後投訴999電台及消防員無法即時搶救，甚至曾經叫她在缺乏救生工具情況下，自行逃生。
「999」着她自行逃生
林女憶述說，昨日凌晨4時許仍在夢中，被朋友叫醒後得知發生火警，當時濃煙已從門罅窗隙湧入屋內，林女被嗆得天旋地轉幾乎暈倒，因逃生無門惟有多次報警求救。但999電台人員亦無法提供救援，只有出言安慰林女保持鎮定，用濕毛巾掩着口鼻，留在屋內蹲身避開濃煙。
女事主苦候良久，還未見救援人員到場，惟有到窗邊揮手大叫救命，眼見濃煙迅速充斥全屋，林女被嗆得咳嗽連連將要暈倒，感到生命受嚴重威脅，惟有多次致電報警求救。
此時999電台人員叫她︰「試吓衝上天台，或者衝落樓下啦！」門外梯間早已充斥有毒濃煙，林女無任何救生裝備，聞言大為光火說︰「有冇搞錯呀？乜都冇，點走呀」，氣得隨即掛線。
林女聲稱苦候45分鐘，才有3至4名消防員到來搶救，但一開門，便有大量濃煙直攻入屋，林女幾乎被即時焗暈，但一直無人關門。林女多次大叫︰「你哋可唔可以閂門先呀？」才有人關門。消防員查問林女，是否可以應付沿樓梯走避。林女說︰「你哋有裝備，我乜都冇，連氧氣面罩都冇，同普通人有乜分別呀，出面咁大煙點走呀？」
質問特首救人程序
林女聲稱，消防員曾用無線電聯絡同袍，但無線電機卻一度失靈，經多番擾攘，才有其他消防員帶同後備氧氣面罩上樓，女事主才能戴上協助呼吸，由消防員帶同沿梯間逃命。由於情況太過混亂，林女入院後連同住友人情況亦不大清楚。
林女送院後要留醫，幸無性命危險。她猶有餘悸稱︰「（消防）危急關頭先收唔到機，知唔知好短時間就可以冇咗條人命㗎？如果可以的話，我一早都走咗啦，有乜可能乜都冇，就叫人走？」
特首曾蔭權事後到病房慰問林小姐，林聲稱曾質問特首說︰「消防救火救人程序，到底係咪咁樣㗎？」她引述特首說：「冇呢方面資料，要了解清楚先知。」
住客投訴救援慢
