【孕連環之金句老竇】娛樂圈接二連三有喜事，繼劉德華老婆朱麗倩和楊千嬅有BB後，近日盛傳黎明（Leon）和老婆樂基兒亦造人成功，Leon前晚出席新戲首映被追問何時做老竇，他大講金句避談：「容許我曳一次唔答。」但心情靚爆的確似有喜事。
黎明（Leon）、安志杰和陳小春主演的新戲《鴻門宴》前晚在圓方舉行首映，小春未有出席，只有Leon和安志杰以及導演李仁港現身。
華仔日前宣佈「吾家有喜」，跟老婆朱麗倩終於有BB，亦有指楊千嬅和丁子高亦造人成功，近日更有消息指原來樂基兒已有約3個月身孕，難怪她最近絕少公開露面，又有傳聞指樂基兒的公司代她斟洽工作時，講明只能接受輕鬆簡單的工作，難怪令人揣測她已有身孕。
與父度末日
當晚向Leon提起朱麗倩和千嬅有BB，Leon表示：「我知華仔有呀，乜千嬅都有咩？總之邊個都好，都係值得恭喜。」何時可以恭喜Leon？他竟借用華仔愛用的回應說：「你哋乖啦唔好問我。」記者笑指叫Leon乖些，繼續追問何時做老竇，Leon聲稱：「呢分鐘真係冇，有嘅話會話畀大家知，不過私人嘅嘢我真係唔想成為宣傳焦點，講真我好難會乖啲咁話畀大家知，容許我曳一次唔答呢啲問題。」昨日再就樂基兒有孕傳聞向她經理人公司求證，發言人表示：「樂小姐私人事唔會回應，不過到呢刻我哋都冇收到咁嘅消息，佢工作如常，噚日先做完嘢。」
安志杰日前在家洗碗時傷手要縫七針，前晚依然要包紮到場。婷婷透露有傳明年12月21日是世界末日，她表示已相約四哥屆時一起度過。
採訪：何慧斯
攝影：陳俊強
