花園街攤檔歷年來不斷被縱火,昨日更引發慘劇,城市大學犯罪學家黎定基表示難估計當中原因,但他表示縱火只要一個打火機就能犯案,且破壞力很大,故屬「很方便」的破壞行為。
亦可能反映不滿社會
黎定基估計,是次縱火者或與排檔檔主有磨擦或仇怨,引致針對性縱火:「例如買嘢嘅時候為價錢嘈過交,但又唔可以當街打人,於是喺夜晚去縱火」。
黎亦指,縱火狂亦可能反映市民對社會不滿而隱藏的怨氣。他說,香港現在雖然繁榮,但人與人之間關係可能藏有暗湧,如果人們的內心矛盾點去到極限時,就會用破壞性行為作出發洩:「外國有好多叫HateCrime(憎恨犯罪),本身就係對某啲事某啲人特別憎恨……例如憎恨露宿者,就走去放火燒露宿者。」
黎定基又舉例,市民如無力對抗政府,就會把憤怒情緒發洩到弱者身上:「香港好多毒貓毒狗嘅事,其實係佢哋發洩嘅一種形式。」
《蘋果》記者