舒淇昨日在中環出席Vertu手機活動，穿上VersaceforH&M裙子，明艷照人。劉德華公佈太太朱麗倩高齡有喜4個月，舒淇表示未有時間恭喜華仔，她說：「梗係戥佢開心啦，家有前車可鑑，我（生仔）嘅事，一啲都唔擔心，可以慢慢嚟。」計劃甚麼時候生？她說：「唔係計劃幾時，係緣份囉！」更笑言要趁稍後放假，認真搵個男友。
專搞喊細路
近期有傳她和王力宏翻撻，舒淇即時否認：「事實唔係咁，根本無發生過，我哋係朋友，無中生有。」問她可會接受人工受孕？她說：「我暫時冇咁嘅需要。」更輕鬆唱道：「命裏有時，終須有。」舒淇直言愛小朋友，更最愛整喊他們：「因為啲人鍾意寵壞啲細路，我最鍾意搞到佢哋精神分裂，同佢哋講大人嘅道理，令佢哋好疑惑咁望住你。」她直言做媽咪要有責任心及平等對待，相信自己會是一個好媽媽。
採訪：顏英儀 攝影：陳順楨