湯唯憑與韓星玄彬合作的電影《晚秋》三度在韓國封后，後天將在韓國領取釜山影后殊榮。湯唯昨晚在港主持聖誕亮燈，坦言一片封三后是一件最大的幸運事，下一個願望想反串男角拍古裝片，在金馬獎提名最佳男主角，爭奪影帝！
湯唯昨晚穿上Chanel大露背裙在又一城主持聖誕亮燈，吸引了約500人站在商場圍觀，同場還包括女模AliceB.等。湯唯在巨型聖誕樹前顯得心情大好，不時和市民揮手，她說：「呢刻好似發緊夢，好似變咗童話人物。」
得獎好意外
憑韓片《晚秋》湯唯先後得到百想藝術大賞、韓國影評家協會獎，前日更獲封第12屆釜山影后，將於後天在釜山領獎。一連奪得三個韓國影后寶座，湯唯說：「係呀，係最大一件幸運事，因為部片得咗最佳電影、最佳導演同最佳女主角，得獎一刻好surprise，多謝釜山畀呢個肯定我，好重要。」
韓國電影界似乎對湯唯厚愛有加，問她可會多去韓國拍片？她說：「邊度有好劇本、好電影，我就去邊。」她謂也希望有機會來港拍片，至於新的電影工作則未有定案，她說：「希望有機會，我想金馬獎提名男主角，想試吓做純男人角色，拍吓古裝、剪吓頭髮，唔知有冇導演想搵我呢。」
盼覓得伴侶
提到聖誕節，湯唯指自己家鄉不流行慶祝聖誕節，由小至大都只會寫賀卡，不會慶祝，小學時收過一張由暗戀男同學所送的聖誕卡，就是她最難忘的聖誕禮物，她說：「最難忘嘅聖誕，就係09年喺西雅圖拍《晚秋》，飲咗一支搵唔番嘅紅酒。」自言甚少和男士過節的她，希望每個找尋幸福的女人，都早日得償所願。
採訪：盧妹
攝影：陳俊強