品味高低，一般人好難評價，賣咗名牌超過30年嘅Coach（6388）主席兼行政總裁LewFrankfort就話，中國男人品味高！
對於Frankfort嘅結論，相信十個港女九個半唔認同。但Frankfort認為美國男人更不濟，因為美國男人買嘢多數係因為推廣同優惠，完全唔理牌子，潮流觸覺完全唔掂。亞洲地區、特別係中國男士就唔同，會買鍾意嘅牌子。
不過，華華認為Frankfort作出呢個立論之前，有必要申報利益，Coach銳意攻陷大中華市場，今日仲喺香港掛牌上市。
上市前立偉論
講開上市，咁啱幫Coach做手袋嘅時代零售（1023）就嚟又上市，咁買邊間好呢？Frankfort話，佢唔適合評論事件。如果畀着係華華，就會答兩間都買，皆大歡喜。