【本報訊】連鎖快餐店大家樂再次預告加價。雖然政府覺得通脹已經見頂，但大家樂主席陳裕光認為，人工、食材、租金短期仍會「樣樣加」，因此4月至今已平均加價5%的大家樂，未來六個月可能要再加價3%至5%，「我哋已經盡量克制，冇將成本全部轉嫁晒畀顧客」。 記者：吳綺慧
受最低工資影響，大家樂剛公佈的中期盈利，八年來首次錄得倒退。由於成本上升，大家樂4月至今已有多種食品加價，如粟米魚塊飯由29元加至30元，加幅3.4%；焗豬扒飯由32元加至33元；「啖啖肉」的燒味雙拼飯也加1元，現售30元。
陳裕光：我哋已經好克制
陳裕光說：「我哋已經好克制，可以唔加嘅都盡量唔加。好以豬價升兩、三成，焗豬扒飯、燒味好難唔加；但係好多產品影響冇咁大嘅，好似煎雙蛋拼火腿飯咁，我哋都冇加過，依然賣19個半。」
陳裕光形容，雖然通脹有回落迹象，但食品價格回軟主要在內地，全球而言採購成本依然很高，未來六個月壓力不輕，「我哋豬肉就用巴西，雞蛋就用美國，其他地方嘅食材價格其實冇乜點回落，相信未來食材成本仍會按年增加20%」。
加價太密，客人自然減少幫襯。大家樂4月至9月，同一店舖的銷售按年計只有3%增長，但幾乎全部都是受加價5%帶動，客量已輕微下跌，反映市民不太接受加價。陳裕光強調，未來六個月如果加價，加幅都會維持在3%至5%，「只係加5毫、1蚊左右」。
最低工資令成本增億元
最低工資5月實施至今，陳裕光表示，一如他預期，薪酬成本在4至9月額外增加1.1億元，達7.53億元，當中已包括由最低工資衍生的漣漪效應影響，「我估全年影響都會保持喺兩億左右。我哋一定唔會裁員，未來仲會開舖，下個財政年度會增聘800至1,000個人手」。
陳裕光形容，最低工資令勞工密集的餐飲時代過去，未來幾年生意難以如以往般有雙位數增長，相信大家樂要展開「根本性改革」才可拾回昔日光輝。
顧客斥又貴又縮水
