港甲新軍港菁喀麥隆中場麥保美（圖右）上個禮拜二操練前突然癲癇症發作，搞到要由救護車送院治療，檢查後無大礙，噚日復操，隊友響球場搞拜神儀式，麥保美亦破例上香，祈求今季事事順利。麥保美同求大俠講，出事當日其實有感冒，未必同忙於照顧初生囡囡有關，稍後仲要覆診同做多啲檢查。港菁為保障大家，會等佢報告出後，睇吓可否買多份保險。