已故嘅粵劇界名伶任劍輝噚日死忌，佢生前嘅一班好拍檔就齊集白雪仙位於逸盧嘅屋企，大家誠心喺任姐嘅靈前上香，噚日任姐嘅靈前擺滿咗鮮花同埋水果，資深傳媒人汪曼玲都有出席，佢仲同仙姐同埋梅雪詩（阿嗲）合照㖭。由於雛鳳即將做大戲，坊間嘅戲票已經被搶購一空，大家呢排見到阿嗲都追佢攞飛追到佢瘦。