【本報訊】賄選罪成候判的「食力簡」簡炳墀，昨獲前港區人大代表李鵬飛探監，與簡sir相識30年的飛哥形容簡笑容滿面，精神好好，會面15分鐘雙方有講有笑。
飛哥：佢身體好過我
昨晨8時許，簡的兒子簡永輝先到收押所登記探監，15分鐘後飛哥抵達，兩人進入收押所探望簡炳墀後，至早上11時許離去。
飛哥說：「佢身體仲好過我，簡sir講嘢大大聲聲，做朋友見佢咁健康都好開心。」又說「我諗佢會上訴……佢曾經講過話信錯人。」
飛哥與簡sir因馬結緣，80年代末，本身是馬主的飛哥，找簡訓練馬匹，印象中有「利港基」、「特登」及「東海龍」三馬匹，「簡sir好牙擦，但唔到你唔服，『特登』成9歲馬仲跑贏，有獎金分。」根據馬會資料，特登與利港基分別在90年代服役出賽，共奪得11次冠軍頭馬。
飛哥指，自從夾份買馬的友人去世後，兩年前他已退出馬圈，與簡亦較少聯絡：「做朋友，佢飛黃騰達我唔會搵佢，佢有難我就嚟探佢。」
身為時事評論員的飛哥，昨又為兩名特首候選人「把脈」，指大原則是哪個夠膽頂阿爺撐香港就是好特首：「當香港利益，同北京利益有衝突時，幾時都要企香港呢一邊。」「冇話阿爺講兩句，就算自己想做都唔敢做。」他又指，以市民利益出發，錯極都有限。